Tunah khan han ngaihtuah la, engtin nge web-ah hian tun a email kan hman dan ni lo aia tha a in biak pawh theih dan tur i ruahman ang?
Google-ho pawhin hei chiah hi an ngaihtuah a. Product thar an rawn nei leh dawn ta! Google Maps bul tantute bawkin hei hi an rawn bul tan leh a. Google Wave hi web browser a inbiak pawh theihna tur thil a ni a. Instant message leh email te mai bakah hian Google Wave hmang hian file te a in share theih ang a, chutih rualin file-ah chuan a thawhho theih dawn bawk a. He file-ah hian text, image leh graphics te a tel thei vek dawn a.
Jens and Lars Rasmussen te hi unau an ni a, an thil hmuhchhuah hi Google in lei sakin Google Maps an ti ta a ni. Anni pahnih leh Google engineer-te hian Australia a Google-ho hmunah he Google Wave a puitlin theih nan hian hna nasa takin an lo thawk a. He idea hi kum 2004 a Google in Rasmussen te unau thil an lei sak hnu lawk a Jen-a idea lo neih tawh a ni a.
Google Wave hi kum 2009 tawp lam hian mipui nawlpui tana hman theihin an siam dawn chauh a.
Tunlai hian Google hian conference an nei mek a. He Google conference, Google I/O an tih hi developer tana an tih a ni a. He Google I/O 2009 a telte hi chuan Google Wave hi an lo hmang chhin lailawk thei dawn a ni. Nimin lama tan kha a ni a, Google hian developer kalkhawmte hi Google Android mobile phone an pe vek nghe nghe a ni.
Chhiar belh duh tan – NYTimes, O`Reilly, TechCrunch-ah te chhiar belh tur a awm e.
Update: A duh tan Google I/O 2009 a Google Wave an present video YouTube-ah an lo upload tawh hlauh e.
Tags: google
www.SUANKUAL.com – Mizo Technology Blog () - Google product thar – Google Wave
